Waxaa saaka degan goobihii dagaaladu ay ka dhaceen ee caasimada Somalia kuwaas oo ay ka dhaceen dagaalo ay iskaga hor yimaadeen ciidamada Dawlada KMG ah ee Somalia iyo xoogga Islaamiyiinta kuwaas oo ku dagaalamayay gacan ku haynta magaalada Muqdisho ee caasimada wadanka Somalia.


Degmooyinka Kaaraan iyo hawl wadaag ayaa degan iyadoo ay ciidamada Dawlada KMG ah ee Somalia iyo xoogga kasoo horjeeda ee Islaamiyiinta ay kala joogaan goobihi ay kala degenaayen dagaalkii shalay ka hor iyadoo aysan jirin goobo ay kala qabsadeen marka laga yimaado guulo ay kala sheegteen dagaalkii shalay.

Degmada Kaaraan ayaa degan iyadoo ciidamada Dawlada KMG ah ee Somalia iyo xoogga kasoo horjeedaa ay is hor fadhiyaan kuna sugan yihiin dhufaysyo ay ka qoteen xaafadaha Degmada Kaaraan dhexdeeda taas oo dhibaato xoogan ku haysa inta yar ee shacabka ku hadhay xaafada Degmada kuwaas oo aan ka bixi karin.

Degmada Hawl wadaag ayaa sidoo kale iyaduna degan oo ah goobihii dagaaladu ay shalay ka dhaceen iyadoo saaka ay jiraan dad hor leh oo ka qaxaya Degmadaasi kuwaas oo u qaxaya xaafada kale oo ay markaasi u arkaan inay naftooda ku badbaadin karaan iyadoo ay saaka sidoo kale ay dadku u qaxayaan Gobolka Sh/hoose.

Isku soo wada duboo dagaaladii shalay ka dhacay Degmooyinka Kaaraan iyo Hawl wadaag ayaa waxaa ku geeriyooday 25 qof halka 60 kalena ay ku jiro Isbitaalada magaalada Muqdisho una jiifto dhaawacyadii shalay kasoo gaadhay magaalada Muqdisho ee caasimada wadanka Somalia

Mohamed on July 03 2009 12:00:45 | 0 | 58 Reads

No Comments have been Posted.

Name:

Validation Code:


Enter Validation Code:

---