Afhayeenka Xarakada Shabaabul Mujaahidiin Sheekh Cali Maxamuud Raage ayaa uga digay ciidamada AMISOM inay dagaalka toos uga soo biiraan oo ay kala qeyb qaataan Ciidamada Dowladda oo ay dagaalka haatan si rasmi awoodooda ugu wiiqaan.

Sheekh Cali Dheere ayaa sheegay in hadii ay AMISOM ka qeyb qaatado dagaalka ay noqon doonto mid keenta xasuuq baaxad leh iyo dagaalo faraha looga gubto, isagoona balan ku qaaday in hadii ay xeryahooda ka soo baxaan ay jab u geysan doonaan.

Waxaa uu beeniyay warar ka soo baxay Dowladda ee ku aadanaa in dagaalyahano ajaaniib lagaga dilay dagaalka, waxaana uu tilmaamay in dadka la dilay ay ahaayeen mujaahidiin soomaali ah oo aan warkaas waxba ka jirin hadii ay jirtana ay saxaafada u soo bandhigaan.

Sidoo kale waxaa uu Sheekhu sheegay in ciidamadooda ay gaareen goobo hor leh oo ay joogeen Ciidamada Dowladda waxaana uu sheegay inay sii wiiqi doonaan awooda dowladda.

Waxaa uu ka digay qorshayaasha ka socda Magaalada Sirte ee dalka Libiya kaasoo lagu go'aaminayo in AMISOM dagaalada toos uga qeyb qaato, waxaana Midowga Afrika lagu wadaa inuu ogolaado in dagaal lugta ah ka qeyb qaadato.

Nadia on July 03 2009 11:06:53 | 0 | 71 Reads

No Comments have been Posted.

Name:

Validation Code:


Enter Validation Code:

---