Midawga reer Yurub ayaa waxa ay ku baaqeen in ciidamada AMISOM ee ku sugan gudaha wadanka Somalia la siiyo fasax balaadhan kaas oo ah inay ka hawlgeli karaan gudaha wadanka Somalia ayna la dagaalami karaan Islaamiyiinta mayalka adag ee hadda dagaalka kula jirta Dawlada KMG ah ee Somalia.


Luwis Misheel oo ah u qaybsamaha Midowga reer Yurub ee dhinaca hormarinta iyo kaalmooyinka bini'aadanimada ayaa waxa uu sheegay mar uu saxaafada la hadlayay in wadamada reer Yurub ay doonayaan in midawga Africa uu balaadhiyo hawlaha ciidamada AMISOM ee ku sugan wadanka Somalia si ay waajibaadkooda u gutaan.

Sidoo kale Luwis Misheel ayaa waxa uu sheegay in loo baahan yahay inay difaacaan Dawlada KMG ah ee Somalia oo ay hadda dagaalo kula jiraan Islaamiyiin mayal adag kuwaas oo doonaya inay meesha ka saaraan Dawlada KMG ah ee Somalia isagoo xusay in ciidamada gaadhaya 4,300 ee askari ay u baahan yihiin in la fasaxo.

Arintan ayaa waxa ay kusoo beegmaysaa xilli uu shir ka socdo magaalada Serta ee Dalka Libya isaoo Luwis Misheel uu shir ku qabtay magaalada Serta meel banaanka ka ah shirka looga hadlayo arimaha Somalia iyadoo sidoo kale uu xusay in midsawga reer Yurub ay taageerayaan go'aanka ah in la fasaxo.

Hadaba shirkan ayaa sidoo kale waxaa ku sugan madaxwaynaha Dalka Somalia Sheekh Shariif Sheekh Axmed iyadoo uu doonayo in shirkan ay kasoo baxaan qodobo mihiim u ah Dawlada KMG ah ee Somalia kuwaas oo deg deg loogu hawlgalo iyadoo midawga Africa uu ka fakarayo sidoo hawlaha ciidamada AMISOM loo balaadhin lahaa.

Mohamed on July 02 2009 11:43:28 | 0 | 59 Reads

No Comments have been Posted.

Name:

Validation Code:


Enter Validation Code:

---