Kooxda Qaranka dalka Germany ee da,doodu ka hooseeyso 21 jirka ayaa xalay hantay koobka Qaramada Yurub ee ay ku tartamaan ciyaartooyda da,doodu ka hooseeyso 21 jirada kadib markii ay 4-0 ku garaaceen kooxda qaranka dalka Ingiriiska ee da,doodu ka yartahay 21 sano.

Ciyaarti xalay oo aheyd finale oo ka dhacday magaalada Malmo ayaa waxaa dhulka lagu jiiday kooxda qaranka da,yarta dalka Ingiriiska oo ciida la cunsiiyey kadib markii lagu dubtay 4-0 iyadoona xidiga garoonka uu ahaa wiilka da,da yar ee reer Germany ninka la yiraahdo Mesut Ozil oo dhaliyey mid ka mid ah afarta gool deetana abuuray laba kale oo uu lugtiisa ku dhiibay.

Ciyaaryahan Mesut Ozil ayaa saxiixay hal gool laakin waxaa lugtiisa ka baxay goolasha kale oo ay ku baashaaleen ciyaaryahanada kala ah Gonzalo Castro oo laba gool dhaliyey iyo Sandro Wagner.

Inigiriiska weey dadaaleen qeybtii danbe ee ciyaarta iyada oo macallin Stuart Pearce oo ka niyad jabay ganaaxa la saaray ciyaaryahanada Gabriel Agbonlahor iyo Fraizer Campbell,iyo sidoo kale gool haaye Joe Hart,hase yeeshee waxaa si aad ah umuuqday xidigaha kala ah Walcott iyo Milner.

Ahmed on June 30 2009 11:20:35 | 0 | 100 Reads

No Comments have been Posted.

Name:

Validation Code:


Enter Validation Code:

---